في حلقة "قصص غالية"، هنسمع حكاية إيمان، أم لثلاثة أولاد، حياتها اتشقلبت لما خلفت ابن من ذوي الهمم. جوزها خيرها بينه وبين الطفل، وهي اختارت ابنها. من ساعتها، شايلة المسؤولية لوحدها: اشتغلت، ونقلت، وربّت، وودّعت ابنها الصغير بعد ما عاش معاها ٤ سنين بس.
إيمان رفضت ترجّع جوزها، وقامت بدور الأب والأم، لحد ما بنتها اتخطبت، والدنيا اتزنقت، فقررت تكمل جهازيها بالتقسيط. دلوقتي بين أقساط، وإيصالات مرفوعة عليها، ولسه بتكافح علشان تفضل واقفة. دي مش مجرد قصة أم.. دي قصة ست مصرية قررت تحمي ولادها حتى لو الدنيا كلها وقفت ضدها.
اسمع دلوقتي، وسيب القصة تكمل معاك.
